Ende mbetet mister se si një foshnjë është infektuar me HIV/ADIS. Familjarët e vogëlushit janë larguar nga Shqipëria për në Itali në mënyrë që fëmija i tyre të marrë trajtimin e duhur mjekësor.
Në një intervistë për Panorama e Mëngjesit, babai i fëmijës theksoi se nuk ka pasur asnjë reagim nga institucionet shqiptare dhe “askush nuk mban përgjegjësi”, për atë që i ndodhi djalit të tij.
Babai rrëfeu për Panorama TV se nuk ka nisur asnjë lloj hetimi për çështjen.
“Në 5 shtrimet që ka pasur fëmija ishin tek pediatria e QSUT-së. Duhet një hetim i plotë nga ana e Prokurorisë. Por problemi qëndron se pas kallëzimit tonë që kemi bërë më 21 qershor 2022, kalvari jonë nuk përfundon këtu, duke mos parë asnjë reagim. Kemi pasur takime të shumta nga zv.ministrja Mira Rakacolli, teka Albana Fico, drejtoresha e spitalit, drejtoresha e depos famaceutike, askush nuk mban përgjegjësi.
Ka qenë institim i vazhdueshëm nga ana e bashkëshortes sime për tu takuar personalisht me zonjën Ogerta Manastirliu, kurrë nuk e mori hapin të na takonte për të parë çfarë ndodhi me djalin tonë. Në fund jemi qytetarë të atij vendi dhe meritojmë shpjegime se çfarë ndodhi me djalin tonë. Ajo kurrë nuk e konsideroi të rëndësishme kauzën e djalit tonë në axhendën e saj. Na caktoi Mira Rakacollin që është thjesht një figurë.
Manastirzeza nuk pranon askend ne zyre,se nuk rri vete.